نگران پنجاب حکومت نے ایک بار پھر بدھ کو سکولوں کی چھٹی نہ کرنے کا فیصلہ کیا ہے۔

اس سے قبل بدھ کو اسکول اور بازار بند رکھنے کی تجویز زیر غور تھی۔ تاہم بارش کی وجہ سے ایئر کوالٹی انڈیکس (AQI) میں بہتری کے بعد اس تجویز کو مسترد کر دیا گیا۔

اب صوبائی دارالحکومت میں جاری سموگ کے بحران کے باعث اسکولوں میں ہفتے کے وسط میں تعطیل کا اعلان کرنے کا مطالبہ کیا گیا ہے۔ تاہم نگراں وزیر برائے ماحولیات اور منصوبہ بندی بلال افضل نے ایک بار پھر ایسے کسی امکان کو رد کر دیا ہے۔

اس سلسلے میں پنجاب کابینہ کمیٹی کے ارکان کا دوسری مرتبہ اجلاس ہوا لیکن ان میں سے کوئی بھی اضافی دن کے حق میں نہیں تھا۔ کمیٹی کے مطابق حکام سموگ پر قابو پانے کے لیے سخت اقدامات کر رہے ہیں۔

سٹی ٹریفک پولیس (سی ٹی او) کے مطابق دھواں چھوڑنے والی ہزاروں گاڑیوں کو ضبط کیا گیا جبکہ 7 ہزار سے زائد کو جرمانے کیے گئے۔

لاہور بدستور دنیا کے آلودہ ترین شہروں کی فہرست میں سرفہرست ہے کیونکہ حال ہی میں AQI 510 کی 'خطرناک' سطح پر ریکارڈ کیا گیا ہے۔