فاطمہ جناح ویمن یونیورسٹی نے منگل کو چکری کے علاقے میں خواتین کے پہلے پبلک سیکٹر کیمپس کے افتتاح کے ساتھ ایک تاریخی سنگ میل عبور کیا۔

ترجمان نے بتایا کہ کہ کیمپس، جس نے چھ شعبہ جات کے لیے کلاسز کا آغاز کیا، خواتین کی تعلیم میں ایک نمایاں حیثیت رکھتا ہے اور مقامی کمیونٹی کے لیے روشن مستقبل کے دروازے کھولتا ہے۔

چکری کیمپس نے درج ذیل شعبہ جات میں تعلیمی سرگرمیاں شروع کی ہیں:

ڈیپارٹمنٹ آف بائیو ٹیکنالوجی، ڈیپارٹمنٹ آف بایو انفارمیٹکس، ڈیپارٹمنٹ آف فزکس، ڈیپارٹمنٹ آف الیکٹرانک انجینئرنگ، ڈیپارٹمنٹ آف لاء، اور ڈیپارٹمنٹ آف کامرس۔

ان شعبہ جات کا قیام فاطمہ جناح ویمن یونیورسٹی کے معیاری تعلیم کی فراہمی اور خطے کی فکری اور سماجی و اقتصادی ترقی میں کردار ادا کرنے کے عزم کی عکاسی کرتا ہے۔

اور یونیورسٹی آف ہیلتھ سائنسز (UHS) نے پنجاب میڈیکل فیکلٹی سے الائیڈ ہیلتھ میں ڈپلومہ رکھنے والے ڈسپنسرز اور ہیلتھ ٹیکنیشنز کے لیے کیمپس میں پیش کیے جانے والے 4 سالہ بی ایس پروگراموں میں 5 فیصد تک سیٹیں مختص کرنے کی منظوری دے دی ہے۔

ان مخصوص نشستوں کے ساتھ ساتھ، ڈپلومہ ہولڈرز کو اوپن میرٹ نشستوں کے لیے درخواست دینے کا موقع ملے گا۔ یہ فیصلہ الائیڈ ہیلتھ سائنسز میں یو ایچ ایس بورڈ آف اسٹڈیز کے 29ویں اجلاس کے دوران کیا گیا جس کی صدارت وائس چانسلر پروفیسر احسن وحید راٹھور نے کی۔