کراچی سمیت سندھ کے میڈیکل اور ڈینٹل کالجوں میں داخلوں کے لیے MDCAT کا تحریری امتحان نئی تاریخ کے مطابق 10 ستمبر کو ہوگا۔

پہلے امتحان 27 اگست کو ہونا تھا لیکن حکومت نے اسے ملتوی کر دیا اور اب نگراں حکومت نے 10 ستمبر کی نئی تاریخ مقرر کر دی ہے۔

صوبائی محکمہ صحت کی جانب سے رواں سال کے ایم ڈی سی اے ٹی کے تحریری امتحان اور داخلوں کی ذمہ داری جناح سندھ میڈیکل یونیورسٹی کے سپرد کر دی گئی ہے۔

جناح سندھ میڈیکل یونیورسٹی کے وائس چانسلر پروفیسر امجد سراج میمن نے بتایا کہ کراچی میں تحریری امتحان کراچی یونیورسٹی کے مسکان گیٹ گراؤنڈ اور ڈاؤ یونیورسٹی اوجھا کیمپس کے کرکٹ گراؤنڈ میں ہوگا جب کہ اندرون سندھ کے لیے یہ LUMS یونیورسٹی جامشورو میں ہوگا۔

حیدرآباد میں بلاول اسپورٹس کمپلیکس نوابشاہ اور لاڑکانہ پولیس ٹریننگ اسکول شہید بینظیر آباد نواب شاہ میں ہوگا۔

MDCAT نصاب 2023

پی ایم ڈی سی نے فیصلہ کیا ہے کہ میڈیکل اینڈ ڈینٹل کالج کے داخلہ ٹیسٹ کا نصاب وہی رہے گا جو پچھلے سال کے امتحانات کا تھا۔

MDCAT میرٹ فارمولہ 2023

میٹرک سکور – 10 فیصد

انٹرمیڈیٹ (FSc) – 40 فیصد

MDCAT - 50 فیصد

MDCAT امتحان کا ڈھانچہ

MCQs کی کل تعداد: 200

امتحان کا دورانیہ: 3.5 گھنٹے

میڈیکل کالج میں داخلے کے لیے کم از کم پاسنگ مارکس: 65 فیصد

ڈینٹل کالج میں داخلے کے لیے کم از کم پاسنگ مارکس: 55 فیصد