فیڈرل ڈائریکٹوریٹ آف ایجوکیشن (ایف ڈی ای) نے موسم سرما میں درجہ حرارت میں حالیہ کمی کے جواب میں اسلام آباد کے شہری اور دیہی دونوں علاقوں میں تمام اسکولوں اور کالجوں کے اوقات کار کو تبدیلی کی ہے۔

ایف ڈی ای کے جاری کردہ نوٹیفکیشن کے مطابق، نظرثانی شدہ اوقات یکم دسمبر سے 31 جنوری 2024 تک لاگو ہوں گے۔

سنگل شفٹ اداروں کے لیے، نئے شیڈول میں پیر سے جمعرات صبح 8:30 بجے سے دوپہر 2:00 بجے اور ہر جمعہ کو 12:30 بجے تک آپریشنز شامل ہیں۔

اسی طرح، ایف ڈی ای نے وفاقی دارالحکومت میں ڈبل شفٹ انسٹی ٹیوٹ کے لیے نئی ٹائمنگ بتا دی ہے۔ صبح کا سیشن پیر سے جمعرات تک صبح 8:00 بجے سے دوپہر 1:00 بجے تک چلے گا، جو جمعہ کو دوپہر 12:30 بجے ختم ہوگا۔

شام کی شفٹ پیر سے جمعرات تک دوپہر 1:00 بجے سے شام 6:00 بجے تک کام کرے گی، اور دوسری شفٹ جمعہ کو دوپہر 2:30 بجے شروع ہوگی۔

پوسٹ گریجویٹ کالجوں کو بھی اس ایڈجسٹمنٹ میں شامل کیا گیا ہے، جو صبح 8:30 بجے سے دوپہر 2:00 بجے یا 4:00 بجے تک کام کرسکتے ہیں۔

درجہ حرارت میں مزید گراوٹ کے پیش نظر اسکول کے اوقات میں یہ تبدیلی ملک کے دیگر حصوں میں بھی نظر آنے کی توقع ہے۔