خیبرپختونخوا کے تمام تعلیمی ادارے آئندہ عام انتخابات کے باعث 7 سے 9 فروری تک بند رہیں گے۔

اگرچہ اس حوالے سے باضابطہ فیصلہ ہو چکا ہے تاہم اس کا باقاعدہ اعلان فروری کے پہلے ہفتے میں متوقع ہے۔

8 فروری کو ہونے والے انتخابات کے باعث پولنگ اسٹیشنز کے طور پر اسکولوں اور کالجوں پر بہت زیادہ انحصار کیا جائے گا، اس دوران تعلیمی سہولیات بند رہیں گی۔

ذرائع نے ایک مقامی میڈیا کو بتایا کہ اساتذہ انتخابات کے دوران پولنگ عملے کے طور پر اہم کردار ادا کریں گے۔ جس کے باعث تین دن کے لیے تعلیمی ادارے بند رکھنے کا فیصلہ کیا گیا ہے۔

تمام سکولز اور کالجز کی بندش کا حتمی فیصلہ عام انتخابات سے دو تین روز قبل کیا جائے گا۔ مزید برآں، مقامی حکام موجودہ حالات کی بنیاد پر تعطیلات میں توسیع کے امکان پر غور کر سکتے ہیں۔

الیکشن ڈیوٹیوں کے لیے 25,000 سے زائد پولیس اہلکاروں کی کمی کو پورا کرنے کے لیے حکومت مختلف محکموں کے سرکاری اہلکاروں کو متحرک کرنے کا ارادہ رکھتی ہے۔

مزید یہ کہ پرامن انتخابات کو یقینی بنانے کے لیے فرنٹیئر کانسٹیبلری اور فرنٹیئر کور پولیس کے ساتھ تعاون کریں گے۔