پاکستان میڈیکل اینڈ ڈینٹل کونسل (پی ایم اینڈ ڈی سی) نے ملک بھر کے تمام میڈیکل اور ڈینٹل کالجز کو ہدایت کی ہے کہ وہ طلباء سے اگلے سال (سیشن) کی سالانہ فیس پیشگی وصول نہ کریں۔

یہ ہدایت جمعرات کو پی ایم اینڈ ڈی سی نے جاری کی تھی۔ اس میں مزید کہا گیا ھے کہ "ٹیوشن فیس تب واجب الادا ہے جب ایک طالب علم اپنے پیشہ ورانہ امتحان میں کامیاب ہوکہ پروموٹ ھو جائے۔"

کونسل نے واضح کیا کہ کسی بھی طالب علم کو اگلے سال پروموٹ ہونے سے پہلے فیس ادا کرنے پر مجبور نہیں کیا جا سکتا۔

تاہم، طالب علم کے پیشہ ورانہ امتحان میں بیٹھنے کا حق کو فیس کی تاخیر سے ادائیگی سے جوڑنے کے خلاف حکم دیا گیا ہے۔

مزید برآں، میڈیکل اور ڈینٹل کالجوں کو یہ اختیار دیا گیا ہے کہ وہ طلبہ کو ماہانہ بنیادوں پر فیس ادا کرنے کی اجازت دیں اگر کالج اگلے سال کے لیے کلاسز شروع کرنے کا فیصلہ کرتے ہیں اور امتحان کے نتائج کے اعلان سے پہلے طلبہ کو کلاسز میں عارضی رسائی فراہم کرتے ہیں۔ پی ایم اینڈ ڈی سی نے کہا کہ اس طرح کا ادائیگی کا انتظام نتائج کے اعلان تک جاری رہ سکتا ہے۔

طلباء کو مشورہ دیا گیا ہے کہ وہ پی ایم اینڈ ڈی سی کے پاس شکایت درج کریں اگر کوئی کالج ایسا مطالبہ کرتا ہے جو ہدایات کے خلاف ہے۔ کالجوں کو متنبہ کیا گیا ہے کہ ان کے خلاف پی ایم اینڈ ڈی سی ایکٹ 2022 کی متعلقہ شق کے تحت سخت کارروائی کی جائے گی۔