پاکستان فٹبال فیڈریشن (پی ایف ایف) نے پاکستان فٹبال کی تاریخ میں پہلی بار ’ریفری اسسر آن لائن ورکشاپ‘ کا اعلان کردیا۔

ورکشاپ کا انعقاد فیفا کے ریفری انسٹرکٹر سریش سری نواسن کریں گے، اور اس کا مقصد پاکستان کے مختلف اضلاع اور علاقوں میں ریفری تشخیص کاروں کو تربیت دینا ہے۔

ورکشاپ کا مقصد ریفری اسیسرز کا ایک نیٹ ورک بنانا ہے جو ملک کے مختلف حصوں میں مختلف ریفریز کی کارکردگی کا جائزہ لیں گے۔

آل پاکستان ڈسٹرکٹ چیمپئن شپ (APDC) ملک کے متعدد حصوں میں جاری ٹورنامنٹ ہے۔ پی ایف ایف نارملائزیشن کمیٹی (این سی) کے چیئرپرسن ہارون ملک نے ایک حالیہ انٹرویو میں کہا کہ اے پی ڈی سی میں گزشتہ چند مہینوں میں 800 سے زائد میچز کھیلے گئے ہیں، جس کا مطلب ہے کہ ریفریز کی 800 پرفارمنس کو مانیٹر کرنے کی ضرورت ہے۔

ریفری اسیسسر ورکشاپ سے ملک میں ریفری کے معیار کو بہتر بنانے میں مدد ملے گی، کیونکہ بین الاقوامی معیار کا جائزہ کار پیشہ ور افراد ریفریز کو تربیت دینگے۔ پھر یہ پیشہ ور افراد بیرون ملک پاکستان کی نمائندگی کر سکتے ہیں، جب وہ اے ایف سی (ایشین فٹ بال کنفیڈریشن) اور فیفا کی طرف سے مطلوبہ سطح تک پہنچ جاتے ہیں۔

پی ایف ایف این سی کا بنیادی مینڈیٹ ملک میں فٹ بال فیڈریشن کے انتخابات کا انعقاد تھا۔ یہ اس لیے وجود میں آیا کیونکہ پاکستان کی سپریم کورٹ نے گزشتہ چیئرمین کے انتخابات کے دوران تیسرے فریق کا کردار ادا کیا، جس کی فیفا اجازت نہیں دیتی، جس کے نتیجے میں فیفا نے فیڈریشن پر پابندی عائد کردی۔

ہارون ملک کی میعاد مارچ 2024 میں ختم ہو رہی ہے، لیکن ممکنہ طور پر انہیں ضلعی، صوبائی اور وفاق کے انتخابات مکمل کرنے کے لیے توسیع مل جائے گی۔