لاہور بورڈ آف انٹرمیڈیٹ اینڈ سیکنڈری ایجوکیشن (BISE) نے انٹرمیڈیٹ سپلیمنٹری امتحانات 2023 کے نتائج کا باضابطہ اعلان کر دیا ہے۔

نتائج کے مطابق امتحان میں شامل ہونے والوں میں سے صرف 35.75 فیصد نے پاسنگ گریڈ حاصل کئے۔ امتحان دینے والے 53,000 طلباء میں سے صرف 18,000 امیدوار کامیاب ہوئے۔

اس کا مطلب ہے کہ 35,000 طلباء، جو کل امیدواروں کا 64 فیصد ہیں، امتحان پاس کرنے میں ناکام رہے۔

BISE فیصل آباد کے نتائج بھی اتنے ہی مایوس کن ہیں، صرف 38.79 فیصد امیدوار امتحان میں کامیاب ہوئے۔ بورڈ کنٹرولر نے بتایا کہ امتحان دینے والے کل 24,033 مرد و خواتین میں سے صرف 9322 امیدوار کامیاب ہوئے۔

دوسری جانب، پنجاب بورڈز کمیٹی آف چیئرمین (پی بی سی سی) نے حال ہی میں سیکنڈری اسکول سرٹیفکیٹ (میٹرک) کے سالانہ امتحان کے داخلہ فارم جمع کرانے میں توسیع کا اعلان کیا ہے۔

داخلہ فارم ایک ہی فیس کے ساتھ 22 دسمبر تک جمع کرائے جاسکتے ہیں۔ تاہم ڈبل اور ٹرپل فیس کے ساتھ فارم جمع کرانے کی تاریخوں میں 05 جنوری 2024 اور 13 جنوری 2024 تک توسیع کردی گئی ہے۔