نگراں وفاقی وزیر برائے انفارمیشن ٹیکنالوجی اینڈ ٹیلی کمیونیکیشن (MOITT) ڈاکٹر عمر سیف نے بدھ کے روز کہا کہ وفاقی کابینہ نے ملک کی پہلی "قومی خلائی پالیسی" کی منظوری دے دی ہے۔

نگراں وفاقی وزیر برائے اطلاعات و نشریات مرتضیٰ سولنگی اور نگراں وفاقی وزیر صحت کے ہمراہ ایک پریس کانفرنس سے خطاب کرتے ہوئے، انہوں نے وضاحت کی کہ منظور شدہ پالیسی لو ارتھ آربٹ (LEO) کمیونیکیشن سیٹلائٹس کے استعمال کے لیے فریم ورک قائم کریگی۔

انہوں نے مزید کہا کہ یہ اجازت نجی کمپنیوں کو پاکستان میں صارفین کو خدمات پیش کرنے کی اجازت دیتی ہے، جو ملک کے خلائی پروگرام میں ایک اہم سنگ میل ہے۔ وزیر نے اس بات پر روشنی ڈالی کہ یہ پیشرفت پاکستان کے خلائی پروگرام کے لیے ایک اہم لمحے کی نشاندہی کرتی ہے، کیونکہ یہ جدید سیٹلائٹ ٹیکنالوجی کے ذریعے مواصلاتی صلاحیتوں کو بہتر بنایا جا سکتا ہے۔

قومی خلائی پالیسی کی منظوری سے ٹیلی کمیونیکیشن کی بہتر خدمات اور سہولت فراہم کرنے کی امید ہے، اس قدم سے ملک بھر میں رابطے اور معلومات کی ترسیل میں ترقی کو فروغ ملے گا۔

انہوں نے کہا کہ یہ پالیسی تین ماہ کے دوران تمام اسٹیک ہولڈرز کی مشاورت سے تیار کی گئی ہے جس سے پرائیویٹ کمپنیوں کی سہولت کے لیے متوازن طریقہ کار کو یقینی بنایا گیا ہے۔ وفاقی وزیر نے انکشاف کیا کہ وفاقی کابینہ نے نیشنل سائبر کرائم انویسٹی گیشن اتھارٹی (این سی آئی اے) کے قیام کی بھی منظوری دے دی ہے۔ یہ ایجنسی سائبر کرائم کی تحقیقات کے لیے وقف ہے، یہ ادارہ اس مینڈیٹ کو سنبھالے گی جو پہلے ایف آئی اے کے پاس تھا۔ سائبر کرائم کی تحقیقات کی ذمہ داریوں کی FIA سے NCIA کو بتدریج منتقلی کا منصوبہ ہے۔ انہوں نے کہا کہ وفاقی کابینہ نے ٹیلی کام سے متعلق مقدمات اور تنازعات کو نمٹانے کے لیے ٹیلی کام ٹربیونل کے قیام کی منظوری دے دی ھے۔

انہوں نے مزید کہا کہ ٹربیونل میں انفارمیشن، ٹیلی کام اور پالیسی کی معلومات رکھنے والے خصوصی افراد ہوں گے۔