وزیراعلیٰ پنجاب محسن نقوی نے لاہور ایجوکیشن بورڈ کو حکم دیا ہے کہ طلبہ کے لیے سات دن میں تمام سہولیات آن لائن کی جائیں۔

وزیراعلیٰ نے جمعرات کو لاہور ایجوکیشن بورڈ کا اچانک دورہ کیا جہاں انہوں نے دیکھا کہ سہولت سنٹر کا زیادہ تر عملہ وقفے سے پہلے ہی غائب تھا۔

وزیراعلیٰ محسن نقوی نے دفتری اوقات میں عملے کی غیر حاضری کا سخت نوٹس لیتے ہوئے تمام عملے کو فوری تبدیل کرنے کا حکم دے دیا۔

اس موقع پر گفتگو کرتے ہوئے وزیر اعلیٰ نے کہا کہ تعلیمی بورڈ کی سہولیات آن لائن ہونے سے طلباء کو بورڈ آفس کے چکر لگانے کی ضرورت نہیں پڑے گی۔

وزیراعلیٰ محسن نقوی نے صوبائی وزیر تعلیم اور سیکرٹری تعلیم کو فوری طور پر بورڈ آفس پہنچنے کی ہدایت کی۔

انہوں نے مزید کہا کہ طلباء کے مسائل ترجیحی بنیادوں پر حل کئے جائیں۔

وزیر اعلیٰ محسن نقوی نے اپنے دورے کے دوران تعلیمی بورڈ میں طلباء سے ملاقات کی اور سہولیات کے بارے میں پوچھا۔

طلباء نے عملے کی عدم موجودگی کی شکایت کرتے ہوئے کہا کہ وقفے سے قبل بھی عملہ موجود نہیں ہوتا ہے۔

محسن نقوی نے کہا کہ دفتری اوقات کے دوران کاؤنٹرز پر عملہ کی عدم موجودگی ڈیوٹی میں غفلت ہے جو ناقابل برداشت ہے۔

طلباء اپنے کام کے سلسلے میں کاؤنٹرز پر موجود ہیں لیکن عملہ غیر حاضر ہے، یہ کسی صورت قابل قبول نہیں، وزیراعلیٰ نے خبردار کیا۔