وزیراعلیٰ پنجاب مریم نواز شریف نے سیلاب سے متاثرہ علاقوں کے طلباء کے لیے خصوصی پیکیج کی منظوری دے دی ہے۔

خصوصی پیکج کے تحت سیلاب سے متاثرہ علاقوں کے تمام طلباء کی ایک سمسٹر کی فیس معاف کر دی گئی ہے۔

سیلاب سے متاثرہ اضلاع کے بی ایس سال اول کے طلباء کی داخلہ فیس معاف کر دی گئی ہے۔

سیلاب سے متاثرہ مظفر گڑھ، ملتان، لودھراں، وہاڑی، سیالکوٹ، نارووال، گجرات، چنیوٹ اور قصور کے طلبہ کی پہلے سال کی فیسیں معاف کر دی گئی ہیں۔

سیلاب سے متاثرہ ان اضلاع میں واقع تمام یونیورسٹیوں میں رجسٹریشن کی آخری تاریخ میں بھی 20 دن کی توسیع کر دی گئی ہے۔

ہونار اسکالرشپ کے لیے درخواست دینے کی آخری تاریخ میں بھی ایک ماہ کی توسیع کر دی گئی ہے۔

وزیراعلیٰ مریم نواز شریف نے یہ پیکج سیلاب سے متاثرہ علاقوں کے طلباء کے والدین کی مالی مشکلات کم کرنے اور نوجوانوں کی سہولت کے لیے دیا ہے۔

وزیر اعلیٰ مریم نواز نے کہا کہ سیلاب کی تباہ کاریوں میں اپنے بیٹوں اور بیٹیوں کی تعلیم متاثر نہیں ہونے دوں گی۔

انہوں نے کہا کہ سیلاب متاثرین کی مکمل امداد، جلد بحالی اور نقصانات کے ازالے کو یقینی بنانے کے لیے تمام کوششیں کی جا رہی ہیں۔