سندھ میں امتحانات میں نقل مافیا کا راج ہے اور لاڑکانہ میں پیپر لیک ہونے کے مختلف واقعات رپورٹ ہوئے ہیں۔

لاڑکانہ کے مختلف امتحانی مراکز میں منگل کو امتحان شروع ہونے سے قبل سندھی زبان کا پرچہ لیک ہو گیا۔

رپورٹ کے مطابق لاڑکانہ تعلیمی بورڈ کے زیراہتمام بارہویں جماعت کا سندھی زبان کا پرچہ آج لیا جا رہا ہے۔

12ویں جماعت کا سندھی کا پرچہ بھی واٹس ایپ گروپ کے ذریعے لیک ہوا تھا۔

نقل مافیا نے بھی واٹس ایپ گروپ کے ذریعے سوالات حل کرنا شروع کر دیے۔

باٹنی کا پیپر لیک ہو گیا۔

انٹرمیڈیٹ بورڈ کراچی نقل مافیا کے خلاف بے بس نظر آیا کیوں کہ امتحان کے دوسرے روز گریڈ 12 کا باٹنی کا پرچہ امتحانی وقت میں لیک ہو گیا۔

میٹرک کے بعد اب انٹرمیڈیٹ کے امتحانات میں بھی نقل مافیا کا راج برقرار ہے اور انٹرمیڈیٹ بورڈ کراچی کے مافیا پر قابو پانے کے دعوے محض دعوے ہی رہ گئے ہیں۔

باٹنی سیکنڈ ایئر کا پیپر واٹس ایپ گروپس کی زینت بن گیا اور واٹس ایپ گروپس میں پیپر باآسانی دستیاب تھا۔

ذرائع نے مزید بتایا کہ مافیا طلباء کے سالانہ پرچے حل کرنے میں واٹس ایپ گروپ کے ذریعے ان کی بھرپور مدد کر رہا ہے۔

اس سے قبل 2 مئی 2025 کو بورڈ آف انٹرمیڈیٹ اینڈ سیکنڈری ایجوکیشن بورڈ کراچی کے پیپرز میٹرک کے امتحانات کے دن بھی وقت سے پہلے لیک ہو گئے تھے۔

نویں جماعت کا سائنس گروپ ریاضی کا پرچہ واٹس ایپ گروپس کا چرچا بن گیا۔ بورڈ افسران پیپر لیکس کے خلاف کوئی کارروائی کرنے میں بری طرح ناکام رہے۔