سندھ حکومت نے تعلیمی نظام کو جدید بنانے کی کوششوں کے تحت میٹرک اور انٹرمیڈیٹ کے امتحانات کے لیے نئی گریڈنگ پالیسی کا اعلان کیا ہے۔

بورڈز اور یونیورسٹیز کے سیکرٹری محمد عباس بلوچ کی جانب سے جاری کردہ نوٹیفکیشن کے مطابق صوبے کے طلباء کو نمبر اور پوزیشن نہیں بلکہ گریڈ ملیں گے، سندھ اس طرح کا نظام نافذ کرنے والا  پہلا صوبہ بن گیا ہے۔

نئی گریڈنگ پالیسی 2025 سے نافذ العمل ہو گی۔ اس نظام کے تحت طلباء کی جانچ کی جائے گی اور روایتی نمبروں اور پوزیشنوں کے بجائے گریڈ دیے جائیں گے۔

نوٹیفکیشن میں کہا گیا ہے کہ نئے گریڈنگ کے تحت پہلی، دوسری اور تیسری پوزیشن ختم کر دی جائے گی۔

انٹر بورڈ کوآرڈینیشن کمیٹی (IBCC) نے ایک نیا گریڈنگ فارمولہ تیار کیا ہے، جو نمبروں اور اسکور کی بنیاد پر گریڈ تفویض کرتا ہے۔

مثال کے طور پر، 95% یا اس سے زیادہ اسکور کرنے والے طلباء کو A++ گریڈ دیا جائے گا، جب کہ 90% اور 94% کے درمیان اسکور کرنے والوں کو A+ گریڈ ملے گا۔

اس سسٹم میں 80-84% کو B++ گریڈ (بہت اچھا)، 75-79% کو B+ (اچھا)، 70-74% کو B (فیئر) اور 60-69% کو C (اوسط سے اوپر) ملے گا۔

مزید پڑھیں میٹرک اور انٹر پاسنگ مارکس 40 مقرر: IBCC کی مشکل سوالات کی تجویز۔

جہاں سندھ نے اس نئے گریڈنگ سسٹم کو لاگو کرنے میں سبقت حاصل کی ہے، وہیں دیگر صوبوں جیسے پنجاب، خیبر پختونخوا اور بلوچستان نے ابھی تک ایسی پالیسی نہیں اپنائی ہے۔