معروف ادیب، شاعر اور صحافی مدد علی سندھی نے جمعہ کو نگراں وفاقی وزیر برائے تعلیم و پیشہ وارانہ تربیت کا چارج سنبھال لیا۔

وزارت تعلیم و پیشہ وارانہ تربیت کے حکام نے نئے تعینات ہونے والے وفاقی وزیر کا استقبال کیا۔

سیکرٹری تعلیم وسیم اجمل چوہدری نے نگراں وفاقی وزیر برائے تعلیم و پیشہ وارانہ تربیت مدد علی سندھی کا باضابطہ تعارف کرایا۔

مدد علی سندھی کو وزارت تعلیم اور پیشہ ورانہ تربیت کے اہم کاموں اور ذمہ داریوں کے بارے میں جامع بریفنگ دی گئی۔

انہوں نے کہا کہ وہ تعلیمی شعبے کے مسائل کو سمجھنا چاہتے ہیں اور ان کے مطابق حل کرنا چاہتے ہیں۔

انہوں نے مزید کہا کہ وہ اس عبوری سیٹ اپ کے مختصر عرصے میں بھی تعلیم کے شعبے کو بہتر بنانے کا ارادہ رکھتے ہیں۔ انہوں نے کہا کہ ہمیں اس مختصر وقت میں بھی ترقی کی بنیاد رکھنے کی پوری کوشش کرنی چاہئے۔

مدد علی سندھی نے قوم کی خوشحالی کے لیے مل کر کام کرنے کی اہمیت پر روشنی ڈالی۔

سیکرٹری تعلیم وسیم اجمل چوہدری نے کہا کہ پوری وزارت وفاقی وزیر کی ہدایات اور ویژن کو پورا کرنے کے لیے پرعزم ہے۔

انہوں نے مزید کہا کہ امداد علی سندھی اپنے ساتھ تعلیمی میدان میں علم اور تجربے کا خزانہ لے کر آئے ہیں جس سے وزارت کو فائدہ ہوگا۔